تنزیل کا قتل ایجنسی کے لئے بڑا نقصان: این آئی اے

 قومی جانچ ایجنسی (این آئی اے) کے ڈائریکٹر جنرل سنجیو کمار سنگھ نے تنزیل احمد کے قتل کو ایجنسی کے لئے بڑا نقصان قرار دیتے ہوئے کہا کہ جب تک مجرموں کو سزا نہیں مل جاتی، ایجنسی خاموش نہیں بیٹھے گی. مسٹر سنگھ نے واقعہ پر رد عمل ظاہر کرتے ہوئے آج یہاں کہا کہ "تنزیل احمد کے قتل این آئی اے کے لئے بڑا نقصان ہے. ہمارے



لئے قصورواروں کو سزا دلانا ایک چیلنج ہے۔
جب تک قصورواروں کو سزا نہیں مل جاتی، ہم چپ نہیں بیٹھیں گے"۔
انہوں نے بردوان یا پٹھان کوٹ دہشت گرد حملے کی جاری چانچ سے اس قتل کے منسلک ہونے پر کوئی تبصرہ کرنے سے انکار کرتے ہوئے کہا کہ" ہم ہر نقطہ نظر سے اس کی جانچ پڑتال کر رہے ہیں. براہ مہربانی کوئی پیشگی رائے قائم نہ کریں"۔